Supreme Court

Supreme Court chuan Air India Thlawhna Chetsualna Chhui Chianna Chungchangah chuan Media Report a Innghat lo Turin a Hrilh

12/02/2026
Admin

Supreme Court chuan Air India thlawhtheihna chesuala mi 260 nunna channa chhui chiannaah chuan Union of India chu kar thum chhungin procedural protocol zawm dan chipchiar taka tarlanna report thehlut turin a ti. Chief Justice Surya Kant leh Justice Joymala Bagchi te thutna bench chuan Senior Advocate Gopal Sankaranarayanan, Advocate Prashant Bhushan leh Solicitor General Tushar Mehta te thu an ngaihthlak laiin he thupek hi an chhuah a ni.Thupek an chhuah lai hian Chief Justice chuan mipuite chu an ngaihdan an sawinaah chuan insum a ngaih thu a sawi a. Party te chu media report a innghat lo turin leh, thlawhna brand hming lam lo turin a vaukhan a ni. Chief Justice chuan he chetsualna rapthlak tak hi ram pum tana channa a nih thu sawiin, kal ta te chhungkhat hnaite chu a lainat thu a sawi bawk.Advocate Prashant Bhushan chuan sawrkar dan chuan hetiang chetsualnaah hian Court of Inquiry siam tur a nih thu a sawi a. Aircraft Accident Investigation Bureau (AAIB) chhui chianna kalpui mekah hian member 5 chu Directorate General of Civil Aviation (DGCA) hnuaiah official an nih thu a sawi lang bawk. Bhushan-a chuan Air India thlawhtheihna chetsual atang hian Boeing 787s dang pathum chuan buaina (technical glitch) an tawh vek thu a sawi a. Thlawhtheihna dangah pawh hetiang thil thleng report a awm tiin, pilot 8000 vel chuan Boeing 787s chu sawiselin, a rintlak loh thu sawrkar hnenah an lo thlen tawh thu a sawi a. Court erawh chuan finfiahna tel lo chuan a rintlak loh thu a lo hrilh a ni.Senior Advocate Gopal S-a erawh chuan Boeing 737s te nena inzawm chetsualna thubuai pahnih tarlangin, pilot pahnih te chu mawhpuh an nih thu a sawi a. A tawpah chuan US-a FAA chuan thlawhna pahnihah hian dik lo a awm tih a hmuchhuak a, a chhiatna thai lanna documents te chu mipui hnen atanga thup niin he thubuai hi a rukin sum tam taka sengin chinfel a ni ta a ni. India rama thlawhtheihna chesualte list thehlutin, hetah hian Supreme Court rel angin Judge hlui kaihhruaina hnuaiah Court of Inquiry siam a nih thu a sawi bawk.Solicitor General chuan AAIB chhuina chu zawh a hnaih tawh thu court a hrilh a, hun a dil belh bawk. Bench chuan he thubuai hi list tha lehin, thubuai thehluttu te chu chhui chianna nghak turin a ngen a, hetiang chhui chianna chu a mawhphurtu zawnna ni lovin chetsualna thlen chhan hriat chianna a nih thu an sawi bawk.Supreme Court chuan nikum September 2025-a AAIB preliminary report lo leak-ah chuan a lungawi loh thu a sawi a, hetiang puanzarna hi “vanduaithlak” a nih thu leh, chhui chianna titawp a nih hma chuan confidentiality a pawimawhzia a sawi lang a. Nikum November 2025 vek khan Pilot Sumeet Sabharwal chu puh theih a ni lo tih court hian a lo rel tawh bawk a ni(www.jclalnunsanga.in).(He thubuai hi Safety Matters Foundation Vs Union of India & Ors, Diary No.53715/2025 a ni a. Thubuai thehluttu tan hian Prashant Bhushan , Senior Advocate Gopal Sankaranarayanan leh midangte an ding a. Solicitor General Tushar Mehta hi sawrkar atan a ding thung a ni).

Post Facto Environmental Clearances Chungchanga Jairam Ramesh Writ Petition Thehluh Chu Supreme Court-in A Pawm Lo

12/02/2026
Admin

Vawiin ni 12, February 2026 (Ningani) khan Supreme Court chuan Congress leader leh Rajya Sabha MP Jairam Ramesh te’n ex-post facto Environmental Clearances (ECs) pawmpuina chungchanga Writ Petition an thehluh chu a hnawl. He thubuai hi Division Bench, Chief Justice of India Surya Kant leh Justice Joymalya Bagchi te’n an ngaithla a. Court chuan November,2025 a Judge 3 thutna Bench-in, Vanashakti review judgment-ah ex-post facto ECs chungchanga sorkar laipui Office Memorandums (OMs) chu an pawmpui tawh thu a sawi a, an pawmpui tawh hnua petition an thehluh leh nachhan chu a zawt chiang bawk.Thubuai thehluttu chuan kum 2017 leh 2021 OMs te leh January 2026 OM te chu an khinlet ber a nih thu a sawi a. January 2026 OM chu Supreme Court in Vanashakti review judgment zulzui a siam a nih thu a sawi a bawk. Court chuan Article 32 hnuaia writ petition chu Supreme Court thutlukna siam tawh vek khinletna atan engtin nge hman anih theih tih a zawt a. CJI Surya Kant chuan OM dodalna/khinna chu a pehhel zawnga Supreme Court thutlukna lo siam tawh vek ennawn(review) tir tumna a ni, a ti.Thubuai thehluttu chuan ex-post facto EC’s tihtawpna tur chuan Supreme Court extraordinary jurisdiction a hman thu a sawi a. Bench chuan petition chu pawm theih a ni em tih a ngaihtuah tha leh a. CJI chuan petition chu insawilarna mai atana thehluh a ni thei tiin a sawi a, hetiang anih chuan na taka hma lak a nih tur thu an sawi. Thubuai thehluttu lam chuan petition atangin an inhnukdawk(withdrew) a, Supreme Court-in November thlaa a thutlukna siam tawh chu dan dik taka ennawn (review) anih theihna nan dilna a siam a, Court chuan a phalsak a ni.(www.jclalnunsanga.in).

Supreme Court Chuan Mizoram Judicial Service Association Ten MJS, Grade-I Post Pahnih Ukil Kum 7 Practice Tawh Te Tana Lak Tumna An Khin Chu A Hnawl.

11/02/2026
Admin

Vawiin ni 11 February khan Chief Justice leh a thutpui J Bagchi te chuan Mizoram Judicial Service Association ten tun hnaia MJS, Grade-I post pahnih ukil kum 7 practice tawh te tana lak tumna an khin chu thutlingah ngai lovin a hnawl.Gauhati High Court chuan Ukil kum 7 practice tawh te tana an luhna turin MJS, Grade-I post 2 lakna tur advertisement ni 21.05.2025 khan a chhuah a. Post 1 chu Abigail Hmingthanpari MJS, Grade-I a tling vek tawh appointment chhuah hma a MJS, Grade-III a lo zawm avanga appointment cancel a nih taka vanga post ruak ta a ni. Post dang leh chu pension hnai an awm avanga a awl mai tur a nih avang a ni. Supreme Court in Dheeraj Mor v. High Court of Delhi (2020) 7 SCC 407 a a sawi angin MJS Grade-I a tling tur chuan appointment hun thlenga kum 7 ukil practice an ni tur a ni. Dheeraj Mor a thutlukna chu Constitution Bench in ni 09.10.2025 khan KV Rejanish v. Deepa K Case ah a thiat a. Abigail Hmingthanpari MJS, Grade-I a appointment tawh an cancelna chu thiat leh niin MJS, Grade-I ah appoint leh a ni a. MJS Association te chuan Abigail Hmingthanpari appoint a lo nih leh takah chuan MJS Grade-I post atana lak theih chu post pakhat chauh a ni an ti a.Ni 20.08.2025 khan post pahnih MJS Grade – I (District Judge Cadre), Special Court under NDPS Act, Aizawl ami tur leh Champai ami tur chu siam a ni a. Gauhati High Court lam pawhin ni 17.11.2025 khan ni 21.5.2025 a ukil kum 7 practice te tana District Judge pahnih a lak tur advertisement atanga hnawh khah turin thuchhuah a siam a. Hemi hian post siam thar chu MJS, Grade-I lakna tur kal mek te tan a tih a ni. MJS Grade-I ukil kum 7 practice tawh te atanga lak tumna kal mek chu All India Judges Association leh K.V. Rejanish v. Deepa K. te Supreme Court thutlukna kalh a ni tiin Supreme Court ah an kal.Supreme Court chuan promotion tura petitioner te chanvo chu sanction post anga ngaihtuah tur a ni tiin case hi a hnawl ta a ni. An ukil in Case withdraw a High Court a kal a dilna chu phalsak lovin hetianga Judicial officer te hun tiam nei chhunga lak tibuai zawnga case file tha an tih loh thu an sawi https://www.jclalnunsanga.in/ Dan lam kaihhnawih thutharte hi Whatsapp Group siamin update kan post thin a. Hemi Groupa i awm ve duh a nih chuan hemi link-ah hian lo join ve turin kan sawm a che. https://chat.whatsapp.com/BEZzj5EzMLCBEQjtWYRFug?mode=gi_c https://chat.whatsapp.com/DMaRfCsAQimCo6fLFyYNuS?mode=gi_c(Hemi Case WPC No.144/2026 Order hi upload a nih hunah post a ni ang)

Bail Phalna Chu Pawisa Deposit Nen In Zawm Tir Tur A Ni Lo: Supreme Court

11/02/2026
Admin

Supreme Court chuan February ni 3, 2026 khan bail pangngai emaw anticipatory bail phalna pek chu pawisa pek nena inzawm tir tur a nih loh an sawi nawn leh a. Supreme court chuan Jharkhand High Court-in pawisa deposit hmanga bail order siam chu a sut a, thil tisuala puh te chu man an nih chuan bail-a chhuahtir an nih tur thu a hriattir a, investigating officer-in inkhaihhruaina dan a siam ang zel a tih tur a ni ang. He thubuai hi inbumna thubuai pakhat aṭangin a intan a, pa leh fapa pahnihte chu craft paper an leina ₹9,00,000 chu an pe lo niin an puh a. An anticipatory bail dilna chu Sessions Court-in a hnawl a, chumi hnuah High Court-ah an kal a. High Court chuan ₹9,12,926.84 chu thubuai thehluttu hnenah an pe tawh a ni tih tarlanna affidavit thehlut turin a hrilh a, chumi an thehluh loh chuan an bail application chu hnawl theih a ni tih an sawi a. Bail theihna tur a pawisa pek tir kher hi order pahnihah an tinawn leh a, bail pek theihna chu sum pekna nen in zawm tlat a ni.Justice J.B. Pardiwala leh Justice K.V. Viswanathan-te bench chuan he order-te hi “ order dan pangngai ang lo a siam” tiin an sawi a. Supreme Court chuan High Court-te’n hetiang order an siam chhunzawm reng hi thil tha lo tak a nih thu sawiin, he order copy hi Jharkhand High Court Chief Justice hnênah thlen turin a hrilh bawk(www.jclalnunsanga.in)(He thubuai Pratik Kumar &Anr vs. The State of Jharkhand & Anr Special Leave Petition(Criminal) Diary No. 4297/2026 ah hian thubuai thehluttu tan Adv. Amit Pai, Adv. Avantika Chaudhary, AOR Nitesh Ranjan leh ukil dangte an inlan)

Supreme Court chuan Universal Trading Multi-State Ponzi Scam Thubuaia CBI Chhui Chian Tura A Dilnaah Centre Sawrkar leh Tamil Nadu Sawrkar Insawifiah tur in A Ti.

10/02/2026
Admin

Supreme Court chuan Universal Trading Multi-State Ponzi Scam Thubuaia CBI Chhui Chian Tura A Dilnaah Centre Sawrkar leh Tamil Nadu Sawrkar Insawifiah tur in A Ti.Supreme Court chuan tunhnai khan Ponzi Scam chhui chungchangah Union of India leh Tamil Nadu state-te lakah notice a pe a. Central Bureau of Investigation (CBI) chu Coimbatore-a company pakhat, Universal Trading Solutions Private Ltd.-in Ponzi scheme an kalpui nia hriat chungchangah chhui chianna nei turin a hriattir a ni.India Chief Justice Surya Kant leh Justice Joymala Bagchi te awmna bench chuan depositor thenkhat writ petition thehluh chu an ngaihtuah a. He thubuai hi inter-state financial deposit scheme scam a nih thu leh, depositor mi 73,000 ten Rs 1000 Crore chuang hloh tawh an awm thu an sawi tel a ni.Thubuai thehluttute sawi danin, Tamil Nadu Police-a Economic Offences Wing (EoW) chhuina hian Banning of Unregulated Deposit Schemes Act, 2019 (BUDS Act) a kalh thu sawiin, he chhui chianna hi CBI-in an khawih tur an ti.Depositor te chuan Universal Trading Solution Ltd leh Managing Director G Ramesh chuan scheme thar hmelhriatin, 12% interest/annum an tiam thu leh thla tin ni 16 hma a 10% principal an rul tur thu an sawi a. Scheme chuan deposit an pawm atanga kum khatah an rul zawh tur thu an lo tiam bawk. Amaherawhchu, company chuan pawisa chu tihchingpen sakin immovable property neihna atan lak peng a ni a. Company hi Tamil Nadu –a awm ni mahse, South Indian State pali lai atang deposit an dawng a ni.Kum 2019 khan EoW, Coimbatore hmaah thubuai thehluh a ni a. Hei hi Tamil Nadu Protection of Interests of Depositors Act, 1997, BUDS Act leh Indian Penal Code Section 406 leh 420 hnuaiah First Information Report a register nghal a ni. Director Ramesh chuan Madras High Court hmaah FIR quash na writ petition a lo thehlut tawh bawk a ni.Madras High Court chuan Justice KN Basha (retired) leh Justice M. Sathyanarayana(retired) kaihhruainain depositor te laka amount sem chhuah zat endikna tur committee pahnih siam a ni a. Amaherawhchu, committee hi thiah leh a ni.Chutih kar chuan, Kerala High Court chuan CBI chu chhui chiang turin thu a pe a. Kerala chuan Delhi Special Police Establishment Act hnuaiah phalna a pe nghal a ni.Thubuai thehluttute chuan Supreme court chu hmachhawnin, Madras High Court Judge hlui Justice M.Govindaraj chu May ni 9,2023 khan pawisa sem leh property te hralh buaipui turin a ruat a. Amaherawhchu, Justice Govindraj Committee chuan tun thlengin engmah an la sem loh thu leh property engmah auction a nih loh chu an lungawi lo hle thu an sawi a.Thubuai thehluttute chuan Tamil Nadu Police chhui chianna chu BUDS Act a kalh thu sawiin, CBI ah transfer a ngaih thu an sawi a ni(www.jclalnunsanga.in).(He thubuai hi Suresh Kumar & Ors Vs Union of India & Ors, Writ Petition(s)(criminal) No(s). 47/2026 a ni a. Thubuai thehluttute tan hian Mukund P.Unny, AoR a ding a ni)

Communist Party Te Chuan Supreme Court Hnenah Assam CM Himanta Biswa Sarma Lakah Thubuai A Thehlut

10/02/2026
Admin

Communist Party Te Chuan Supreme Court Hnenah Assam CM Himanta Biswa Sarma Lakah Thubuai A Thehlut Vawiin ni 10, February 2026( Thawhlehni) khan Communist Party of India (Marxist) leh CPI leader, Annie Raja chuan Assam Chief Minister, Himanta Biswa Sarma-an vantlang mipui thenkhatte rilru tina thei zawnga a thusawi avangin leh Assam BJP official account atanga an video post chungchangah Supreme Court-ah thubuai an thehlut a. Thubuai thehluttute FIR an thehluh chu register tir turin leh Special Investigation Team (SIT) din tir tura thu pe turin an dil a. Thubuai thehluttu chuan thu buai tam tak thehluh a ni tawh a, nimahsela, FIR chu register sak an nih loh thu a sawi a. Chief Justice of India, Surya Kant chuan politics thil a inbeihna thubuai hi inthlanpui neih dawn hian Supreme Court-ah a tam thin hle a, he thubuai pawh hi ngaihtuah vat a nih tur thu a sawi.He thubuaiah hian X social media-a Assam BJP official account atanga an video post delete chungchang tarlan a ni a. He video-ah hian CM Himanta Biswa chuan Muslim sakhaw vuantu zing ami ni awm tak lem chu target-ah hmangin silaiin a kap a. Tin, kum 2021 leh February 2026 inkara a thusawi hrang hrangte chu tarlangin, sakhua/vantlang mipui kawhbik neia a thusawi hrang hrang te avang hian vantlang mipui thenkhatin tihduhdahna leh an nitin eizawnnaa harsatna, veivahnaa harsatna, ram neih chungchangah te leh vote neih theihna dikna chanvo chungchangah te nasa takin inthliarhranna leh harsatna an tawh phah a. Tin, heng thil ti thin te hian CM thusawite chu thiam inchantir nan an hmang thin a. Thubuai thehlutte hian CM hian a thusawi te avang hian office a luah dawn a thutiam a bawhchhiaa, Bharatiya Nyaya Sanhita, 2023, and the Representation of the People Act, 1951 hnuaia dan a bawhchhia niin an sawi(www.jclalnunsanga.in)(He thubuai hi Communist Party of India (Marxist) v. Union of India Diary No. 8641/2026 leh Annie Raja v. Union of India Diary No.8461/2026 –ah hian thubuai thehluttute tan AOR Ahmad BF a ding)

DISCLAIMER