‘Zirlaite Siamtha Turin, Sikul A Zirtirtuin Hremna A Lekkawh Thei’: Kerala High Court Chuan Zirtirtuin Naupang A Vuak Avanga Case A Ti Tawp

• Oct 23, 2025
• Admin
• Share

Kerala High Court chuan ni 16.10.2025 khan  zirtirtuin sikul naupang a vuak avanga thubuai kal mek chu a ti tawp sak.  

An buaina bul :

Ni 16.09.2019 dar 10 am bawr velah Class V zirlai te chu an school Mambad CAUP School ah an in sual a. An zirtirtu Abhuthahir chuan tiang lian tha takin an ke ah zirlai naupang insual te chu a vua a. Zirlai te hian Police hnenah FIR an thehlut a ni. Police te hian  Zirtirtu laka thubuai  an siam sak a. Section 324 IPC hnuaia hmanrawh hmanga tih luihna hmanga mite hliam leh Section 75 Juvenile Justice (Care & Protection of Children) Act 2015  hnuaia naupang chunga tihduhdahna thubuai te an siam sak.

High Court a tanchhan :

Zirtirtu ukil hian zirtirtu hian naupang thunun nan tiang a vaw mai chauh hi a ni a. Tih nat tumna a nei lo a ti a, chumi avang chuan zirtittu thubuai hi tih tawp sak turin court ah a ngen a ni. Sawrkar ukil PP chuan case ti tawp lo turin court ah a ngen. 

High Court Rorelna :

Justice C Pratheep Kumar chuan a thutluknaah hian naupanghrem chungchanga court thurel tawhte a tarlang a. High Court Judge chuan, “ Court rorel tawhna hrang hrangte enin zirtirtute hi  zirlaite thuhnun leh an nungchang siam tha turin dinhmun pawimawh takah awmin thuneihna an nei a. Nu leh pa in an fate enkawl tura an rin ngam hian nu leh pa aiawh thuneihna pawh a pe a ni. Zirlai naupangin school dan leh dun te a zawm loh a, zirtirtu in a nungchang that nana zirtirtu in a vuak chuan court in ngun takin zirtirtu chuan chu a kutthlaka chhan tha tak a nih leh nih loh a en a ngai. Zirtirtu chuan naupang thatna tura a vuak chuan, a tih tur tak a ni a ni” a ti. 

High Court in FIR chu uluk taka a zir chianna atanga lang chu zirtirtu chuan zirlai naupang  intibuai te avanga vua a ni a. Zirlai taksa ah hliamna evidence a hmuh loh avangin leh doctor hnenah pawh an kal loh avangin case hi a tih tawp sak. Court chuan naupang chu doctor enkawlna engmah a awm lova, Tin, he buaina chungchang Police hnena report hi ni li laiin a tlai thu a sawi. Court chuan zirtirtu thil tih chu naupang te tihnat tumnaah a ngai lova, naupang te siamthat tumnaah a ngai a ni. Court chuan he thil thleng hi dan kalha chetna niin a ngai lo. 

(He case Crl.M.C. No. 7164 of 2024 , Abhuthahir v. State of Kerala and Anr ah hian thubuai thehluttu (Petitioner tan) Ukil V.A. Johnson (Varikkappallil) a ding a, Kerala tan Ukil A. Vipin Narayan, Sr. Public Prosecutor a ding thung a ni)

-JC Lalnunsanga, (AOR,Supreme Court)