Karnataka High Court chuan police te chu civil thubuai hrang hrang- ramri buaina, bungraw chungchanga buaina, inremna bawhchhiatna chungchanga inrawlh a, police station-a thutlukna lo siam an tum thin chu thil dik a nih loh thu an sawi a. Court chuan police station hi mi mal buaina leh civil thubuai chingfel theitu 'court' anga cheibawl theih a ni lo tih an sawi a ni. Hetiang inrawlh khapna dan awmsa te chu strict taka zawm a nih theih nan State Government leh police officer te chu hma la turin a hriattir a, dan bawhchhia officer-te chungah pawh action la turin a ti bawk. Hemi rual hian, advocate-te'n an hna thawhna thila police station an tlawh a tha taka dawnsawn an nih theih nan Standard Operating Procedure (SOP) siam a tul thu an sawi bawk a ni.

He suo motu Public Interest Litigation (PIL) hi advocate pahnih- Sriram V. leh Manjunath te thah an nih a, Senior Advocate Venkataramanappa Sannakki thah tuma beih a nih hnuah High Court hian ngaihtuah a ni. Justice D.K. Singh leh Justice H. Shanthi Bhushan te bench chuan police-te chu he thubuai chhuina dinhmun hrang hrang, an mi man zat te leh charge sheet thehluh dan report chipchiar tak thehlut turin thu an pe a. State Government pawh Advocates Protection Act tichak turin ennawn turin an ti bawk. He thubuai hi December 8, 2026-ah ngaihtuah leh a ni ang(www.jclalnunsanga.in)