Bombay High Court chuan phalna la lova court rorel lai record-tu advocate clerk nia insawi chu Rs.10000/- a chawi tir a, record tur a titu advocate chu Rs.25,000/- an chawi tir bawk. Hemi bakah hian a record-na phone chu an hren sak bawk a ni. He thil hi October 19, 2026-a thubuai pakhat ngaihtuahna neih lai a thil thleng a ni a, court-a Prothonotary leh Senior Master chuan court chhungah court rorel lai chu record tu an awm tih a hmu a. Record-tu hi clerk a ni tih hmuh chhuah a ni a, ani hian junior advocate pakhat thupek angin ka ti a ni, tiin a sawi a. Court chuan phalna la lova court rorel lai video lak, sem darh leh puanzar chu khap tlat a nih thu an sawi nawn leh a ni.

Justice G.S. Kulkarni leh Dr. Neela Gokhale te bench chuan phone a data awmte chu paih a nih hnuah phone chu hren turin thu an chhuah a ni. Hemi rual hian a record-tu Vijay Jethmaliya chu Rs. 10,000 leh advocate chu Rs. 25,000 High Court Employees Medical Welfare Fund atan pe turin an hriattir bawk. Pawikhawihtu Advocate leh a clerk chu hetianga ti tawh lo tura intiamkamna  ziak turin an hriattir bawk a ni. Court chuan hemi chungchanga dan bawhchhiatna a thlen leh chuan court zah loh thubuai kalpui a ni zui nghal ang tiin an sawi a ni(www.jclalnunsanga.in)

(He thubuai hi Nagendra Kanojiya v. CEO, SRA & Ors a ni)