Karnataka High Court chuan, Indian mi thuziaktu lar leh journalist ni bawk Ravi Belagere(L) lehkhabu ziah, pirated copies hralh chhawn a nih chungchanga Amazon laka criminal thubuai kal mek chu a stay rih a. Justice K. V. Aravind chuan Amazon ngenna chungchangah hian lehkhabu tichhuaktu leh State sawrkar hnenah chhan letna hun a pe. Court hmaah hian Amazon chuan an ni chu inzawmna siamtu mai (intermediary platform) an nih thu leh, an website-a thil hralhtu dangte thil zawrh lai chu an thunun emaw, an herrem emaw thin loh thu an sawi a ni.

He thubuai hi February 4-a Bengaluru-a Subramanyapura police-ten FIR an ziah luh atanga intan a ni a. He FIR hi Bhavana Prakashana aiawhin Bhavana Belagere-i’n a thehlut a. Lehkhabu tichhuaktu chuan kum 2003-a tihchhuah hmasak ber he lehkhabu copyright hi an chelh thu sawiin, e-commerce platform hrang hrang Amazon, Flipkart leh Meesho-ah te a rukin a lem (pirated copies) chu Rs.149/- chauhvin an lo hralh thin niin a sawi a, a thar tak tak erawh chu Rs. 350 a nih thu a sawi. He complaint-ah hian phalna nei lova hralh a nih avang hian sum tam tak an hloh thu leh, hei hian Copyright Act leh Information Technology Act kalha thil tih a nih thu tarlan a ni(www.jclalnunsanga.in)

(He thubuai hi Amazon Seller Services Private Limited v. State of Karnataka & Ors. Crl P 7018/2026 niin, thubuai thehluttu tan hian Adv. Gitanjali Miriam Mathew a ding a ni)