Vawiin ni 18, August 2026(Thawhlehni) a Supreme Court Collegium thukhawm chuan Gauhati High Court Judge atana Pi Helen Dawngliani rawtna chu a pawmpui a. Collegium hian Gauhati High Court Judge thar atan hian ukil zing atangin Nchumbemo Mozhui chu pawmpuina a pe tel bawk. Tunah hian Pi Helen Dawngliani hi District & Sessions Judge niin, Aizawl District Court-ah a Judge hna hi a thawk mek a ni.

A chanchin tawi:

May 24, 2011 khan Mizoram Judicial Service hna a zawm a, thiamna lamah BA(Hons) LLB a ni bawk. Additional District & Sessions Judge hna hi Aizawl leh Lunglei District Court-ah a lo thawk tawh a, Gauhati High Court-ah Registrar ni tawhin, Secretary to the Government of Mizoram, Law & Judicial Department (April 2021–July 2024) hna a lo chelh tawh. Tin, Government Advocate-cum-Additional Public Prosecutor hi Gauhati High Court, Aizawl Bench-ah a lo thawk tawh bawk. Mizo zinga hmeichhe High Court Judge kan neih hmasak ber Pi Marli Vankung in kumin ni March (3.03.2026) thla a retire hnu-ah a pahnihna atan Pi Helen Dawngliani hi hmeichhe High Court Judge kan neih leh hmasak ber a ni(www.jclalnunsanga.in)