Gauhati High Court chuan Kamakhya Temple Chungchanga a Thusawi Avangin News Anchor laka FIR Thehluh a Ṭhiat:
- Oct 22, 2025
- Admin
Gauhati High Court chuan Assam-a Maa Kamakhya temple-a mihring inthawina kalpui dan chungchanga a thusawi avangin CNN-News18 anchor Akanksha Swarup laka FIR thehluh chu a ṭhiat. He thubuai hi Akanksha Swarup Vs State of Assam leh Anr (Crl. Pet. No. 1187 of 2025) niin, Justice Shamima Jahan-i court ah rel a ni.
An Buaina Ber
He case thu bulpui ber chu Meghalaya-a mi pakhat Raja Raghuvanshi thihna mak tak chungchang tv a a chhungte kawmnaa petitioner hian Kamakhya Temple-ah mihring inthawina kalpui mek tiin a sawi a. Hemi hnu lawk June 2025 hian FIR hi an thehlut nghal a ni . Bharatiya Nyaya Sanhita(BNS),2023 hnuaia Section 196(2), 299 leh 302 chuan dan bawhchhiatna niin an sawi a, sakhaw rilru tihnat leh sawichhiat tumna a ko tel niin an sawi a ni . Complain-ah chuan he thusawi hian sakhaw rinna leh hmun thianghlim(temple) a sawichhiat thu a sawi a, thu dik bulpui hre lo leh thu diklo hualhual thehdarhaha an ngaih avang chuan FIR chu an thehlut ta a ni . Akansha Swarup ukil chuan a mimal rinna a sawi lo tiin midang thusawi chu a sawi chhawng leh mai niin a sawi a.News channel chuan thil thlen hnu lokah chuan ngaihdam dilna tichhuakin , Kamakhya Temple-a mihring inthawina anga an sawina chu rilru fimlo pua thusawi tiin thu an chhuah nghal bawk a ni. An platform-a he thu kaihhnawih zawng zawng an tarlan chu an paih vek a. A ukil chuan sakhaw emaw sakhaw hmunpui laka rilru chhiatna emaw endawnna a awm tel lo a ti a ni.
Court Thutlukna
Justice Shamima Jahan-i chuan news anchor thusawi hi BNS section 196,299 leh 302 hnuaia dan bawhchhiatna a nih theihna tur a tlachham a ti a. Court chuan mi pangngai tan interview aṭang hi chuan sakhaw laka huatna emaw rilru ṭha lo putna a hmu lo ti chuan ro a rel a. Amaherawhchu, news anchor chu nakin zelah chuan ṭawngkam chhuahah insum thei zawk tura vaukhânin FIR chu a thiahsak ta a ni.
-JC Lalnunsanga(AoR, Supreme Court)
Recent Post
