Arvind Kejriwal Leh Midangte Excise Policy Case-a Chhuah Zalenna Chungchanga CBI-in An  Khinletnaah Delhi High Court-in Hriattirna Pe Chhuak

Vawiin ni 9, March 2026 (Thawhtanni) khan Delhi High Court chuan Delhi-a zu policy hman dan dik lo (liquor policy corruption case) chungchanga Trial court-in, Arvind Kejriwal, Manish Sisodia leh midangte a chhuah zalennaa, Central Bureau of Investigation (CBI)-in a khingletna (petition) chungchangah insawifiahna pe turin a ti.

Justice Swarana Kanta Sharma chuan, trial court-in he chhui hna thawktu (CBI) laka sawiselna a siamte chu High Court chuan a stay dawn tih a sawi a. Trial court hian a hmain, ‘finfiahna rintlak’ awm miah lova Delhi Chief Minister hlui he thila barhlutu CBI hi a lo sawisel tawh a. Judge chuan High Court-in CBI dilna hi a ngaihtuah chhung chuan, Enforcement Directorate (ED)-in he thil an chhui mekna pawh hi trial court-in a lo stay hrih tur thu a sawi bawk. He thubuai ngaihtuah chhung hian, Solicitor General Tushar Mehta chuan, trial court hian thubuai chhuitute finfiahna lak khawmte ngun taka ngaihtuah lovin, he thubuaia puhte chu a chhuah zalen nghal ringawt a, hei hi thubuai ngaihtuah hmaa thiam chantirna ang hial a ni tiin a sawi. High Court chuan he thubai hi March 16-ah ngaihtuah leh tura ruat a ni(www.jclalnunsanga.in)