Supreme Court chuan Right to Education (RTE) Act 2009, National Council for Teachers Education (NCTE) Act, 1993 leh University Grants Commission(UGC) Act 1956 hnuaia thiamna neih ngai ang nei lo zirtirtute chu school leh college-a zirtirna pek khap lailawkna a chhuah a. Chief Justice of India Surya Kant, Justice Joymalya Bagchi leh Justice V Mohana te Bench chuan heng RTE , NCTE leh UGC Act hnuaia zirtirna hna thawk tura thiamna neih ngai ang nei lo chu school/college-ah zirtirna hna thawh chhunzawm emaw, thawk tur a lak thar an remtih loh thu an chhuah a ni.

He khap lailawkna thupek hi zirna in a zirtirtu leh hnathawk te provincialization chungchanga Public Interest Litigation (PIL) thehluh ngaihtuah laia chhuah a ni a. PIL pu luttu te hi Rajesh Chauhan leh Madhab Mukunda Pujari-te niin, scheme hian mipuite chu inelna dik leh langtlang tak nei lova sawkar hna zawm theihna a siam a ni an ti a. Hei hian India Danpui hnuaia Article 14 leh 16, dan hmaa intluktlanna leh vantlanga intluktlanna chu a bawhchhia an ti a . Thubuai thehluttute chuan kum 2011 leh 2017 Act hnuaia provincialise tawhte chu qualification kimchang an neih leh neih loh enfiah turin court hi an ngen bawk. He thubuai hi 28th September, 2026-ah ngaihtuah leh a ni ang(www.jclalnunsanga.in)

(He thubuai hi Rajesh Chauhan &Anr vs Union of India & Ors WP(C) No. 1102/2026 a ni. Thubuai thehluttu tan hian AOR Chandra Bhushan Prasad, Sr. Adv. Ranjit Kumar leh ukil dang te an ding)