Supreme Court chuan November ni 20, 2025 khan India ram puma private university-te thawh dan chungchang chu a ngaihven hle a ti a. Justice Ashsanuddin Amanullah leh Justice NV Anjaria-te thutna bench chuan he thubuai hi ngaihtuah mekin Union Sawrkar, State leh UT Sawrkarte leh University Grants Commission (UGC) te chu an huam chhunga private university siam leh awp dante chu affidavit hmanga thehlut turin thupek a chhuah a ni.

He Thubuai Hi Engtia Lo Chhuak Nge?

Zirlai pakhat, Khushi Jain chuan kum 2021 khan Ayesha Jain tiin  a hming a thlak a. Kum 2023 khan Amity University hnuaiah chuan certification programme-ah a hming thar hmangin a inziak lut a. A hnuah MBA programme admission a dil leh a, tah chuan university-in an record update na tura document kimchang nen chuan a thehlut a.

Amaherawhchu, university thuneitute chuan Muslim hming chu pawmsak duh lovin record-ah pawh an update lova. A hming chu update a nih loh avangin university attendance pawh chhinchhiah a ni lo a, exam pe thei tura attendance tul zat a hmuh loh avangin a zirnaah kum khat a chan phah a ni.

Thuneitute Hmaah:

Thubuai thehluttu hian Ministry of Education leh UGC chu a pan nghal a. Chuti chung chuan email-ah chhanna engmah a dawn loh thu a sawi a. He thubuai hi Supreme Court a thlen chuan Justice Ashsanuddin Amanullah leh Justice NV Anjaria-te thutna Bench chuan Ritnand Balved Education Foundation President, Dr. Atul Chauhan leh Amity University Vice-Chancellor-te chu court hmaa inlan turin a ko a.  Thubuai thehluttu kum khat hloh chu mawhphurhna la turin a ti a. Amity University chu zangnadawmna pe turin a hriattir a ni.

Thubuai thehluttu chuan university dang a zawm tawh thu court hnenah a hrilh a. Amity University chuan fees pek zat Nuai 1,00,000/- pawh a pek kir (refund) tawh thu a sawi bawk. Court chuan amity chetdan chu inzahlohna nasa tak a ti a, court a ngaih pawimawh lohzia a lan tir a ti a ni.

Court-a Thil Hmuhchhuah leh Buaina Kal Zel:

Supreme Court chuan hearing neih chhung hian India rama private university-te thawh dan chungchang chuan a ngaihven hle a ti a. Court chuan October ni 14 khan record-a thu awmte leh chhangtu(respondents)-te chet danah chuan an lungawi lo hle  a ti a ni.

He thubuai hi November ni 20 khan PIL (Public Interest Litigation)-ah zauzawka huam turin PIL anga pawm  a ni a. He buaina hi zirlai pakhat lungawi lohna kaltlanga inzar pharh ni mah se, court chuan ram puma private university-te kalpui a nih dan te chu a keng tel a ti a.

Court chuan India Sawrkar chu Cabinet Secretary kaltlangin, State leh Union Territory-te (National Capital Territory of Delhi telin) chu an Chief Secretary theuh te atangin leh UGC pawh an Chairman kaltlangin he writ petition-ah chhangtu (respondent)-ah belh vek turin a ti a, notice pek rualin he thupek hi pe turin a ti nghal a ni.

Court Thupek:

November ni 20, 2025 khan Supreme Court chuan Cabinet Secretary leh Chief Secretary-te chu India sawrkar leh State Sawrkar/ UT Administration hnuaia an Ministries/Department atang theuhin private university-te awm chho tan dan leh an  siamna legal provision chu affidavit kaltlanga thehlut turin a ti a. Chumi bakah chuan ram an pek dan leh sawrkar atang hlawkna an telte leh zirna in enkawltute leh neitute chanchin chipchiar tak thehlut turin a ti  a. UGC hnenah pawn private university te laka a chanvo (statutory role) leh a mawhphurhna chu affidavit kaltlangin thehlut turin a ti bawk a ni.

He thubuai hi January ni 8, 2026-ah ngaihtuah leh turin a ruat a ni(www.jclalnunsanga.in).

 (He thubuai WP(C) No. 531/2025, Ayesha Jain Vs Amity University, Noida & Ors-ah hian thubuai thehluttu tan Mohd. Fuzail Khan, AoR a ding a. Respondent-te tan hian Shashank Shekhar Singh, AoR leh Parmanand Gaur, AoR te an ding a ni).