Supreme Court chuan September ni 8,2026 khan Assam sawrkar leh Education Department-te chu sikul leh college naupang zirtirtute chu State provincialisation scheme hmanga ruat emaw lakluh a khap.

Chief Justice Surya Kant leh Justice Joymala Bagchi leh V.Mohana te thutna bench chuan he scheme hian 'constitutional validity' a kalh a nih leh nih loh put luhna PIL chu ngaihtuahin, Central sawrkar bakah Assam sawrkar leh Education Department hnuaia officer-te chu notice a pe .

He PIL pu luttu te hi Rajesh Chauhan leh Madhab Mukunda Pujari-te niin, scheme hian mipuite chu vantlanga inelna dik leh langtlang tak nei lova sawkar hna zawm theihna a siam a ni an ti a. Hei hian India Danpui hnuaia Article 14 leh 16, dan hmaa intluktlanna leh vantlanga intluktlanna chu a bawhchhia an ti a . Thubuai thehluttute chuan kum 2011 leh 2017 Act hnuaia provincialise tawhte chu qualification kimchang an neih leh neih loh enfiah turin court hi an ngen bawk.

PIL hian Assam Education (Provincialisation of Services of Teachers and Re-Organisation of Educational Institutions) Act 2017 hnuaia dante hi a challenge tel a. He Act hian minimum qualification neilote chu zirtirtu atana provincialise a phalsak niin court chu an hrilh a ni(www.jclalnunsanga.in).