Ni 9, February, 2026 khan Supreme Court chuan pawi khawihtua rinhlelhin, case Investigating Officer (IO) zawhna a chhan duh loh avang ringawtin a bail dilna chu hnawlsak theih a ni lo, tiin an sawi. Punjab leh Haryana High Court chuan thutlukna a lo siam tawh: pawi khawihtua puhin case IO zawhna a chhan that duh loh chuan thubuai chhuinaah a thawhpui tha duh lo anga ngaih theih a ni a, hemi avang hian a bail dilna chu hnawl theih a ni tih chu a hnawl a. Supreme Court thubuai thehluttu chu anticipatory bail-a chhuah zalen turin thupek a chhuah a ni.

Justice Aravind Kumar leh Prasaana B Varalle-te chuan pawikhawihtua puhin case IO zawhna a chhan duh loh avangin thubuai chhuinaa thawhpui tha loah ngaih nghal tur a ni lo, tiin an sawi a. Tusharbhai Rajnikantbhai Shah v. State of Gujarat (2024) thubuaiah khan, Supreme Court chuan accused-in zawhna chhan loh theihna dikna chanvo leh, amah leh amah thiamloh inchantir thei zawnga thusawi lo tura dikna chanvo a neih chu a ngemnghet a. Tusharbhai case-ah khan Supreme Court chuan, pawikhawihtua rinhlelh chu case IO-in zawhna a zawh a, inpuanna a neih chauhin thubuai chhuinaa thawhhopui thaah ngaih tur a ni lo, tiin a lo sawi tawh bawk.

Supreme Court chuan Punjab leh Haryana High Court-in thubuai thehluttu anticipatory bail dilna a lo hnawl tawh chu a sut sak a, a anticipatory bail dilna chu a pawm sak ta a ni(www.jclalnunsanga.in)

(He thubuai Shally Mahant @ Sandeep vs. State of Punjab ah hian thubuai thehluttu tan Adv. Manav Bhalla, Aishwarya Singh AOR leh ukil dangte an ding a, a leh lam tan Siddhant Sharma, AOR leh Adv. Vikram Choudhary te an ding a ni)