Vawiin ni 16, February 2026(Thawhtanni) khan Supreme Court chuan Assam Chief Minister, Himanta Biswa’n  Muslim te huatna thu sawia an puhna, FIR register tur a an dilna chu Supreme Court-in a ngaihtuah duh lo. He thubuai hi 7 February-a Assam BJP official account-a Himanta Biswa’n, Muslim mi ni awm tak lem target-a hmanga silaia a kap lai video an post atanga lo intan a ni. Communist Party of India(Marxist),Communist Party of India leader Annie Raja leh midang tam takin FIR an thehlut a ni. Chief Justice of India Surya kant, Justice  Joymalya Bagchi leh Justice Vipil Pancholi te thutna Bench chuan thubuai thehluttute chu Gauhati High Court hnenah an thubuai thlen turin a ti a, an buaina put luh chu Gauhati High Court ngaihtuah theih a nih thu an sawi. Supreme Court chuan Gauhati High Court Chief Justice chu a rang thei ang bera he thubuai hi ngaihtuah turin a ngen bawk.

He thubuai ngaihtuah a nih lai hian, Bench chuan thubuai thehluttute chuan India dan kalphung chu an ngaipawimawh tur a ni, an ti a. Thubuai thehluttute chuan Chief Minister chu pawikhawihna nei chhunzawm reng thin a nih thu leh, a thusawi thin te chu India danpui innghahna nen a inkalh tlat thu an sawi a. Nimahsela, Supreme Court chuan an thubuai chu High Court-a ngaihtuah hmasak chu a tha zawk tiin, Gauhati High Court-a ngaihtuah turin a ti ta a ni(www.jclalnunsanga.in)