Supreme Court chuan Trinamool Congress MP Mahua Moitra-i’n Alternative Investment Funds (AIFs) leh Foreign Portfolio Investors (FPIs)-te a sum neitu tak tak te leh an portfolio kimchang vantlang hriata puanzar thin nise tih a dilna chu hnawl niin, thubuai hi a titawp.

Justice B.V. Nagarathna, Justice R. Mahadevan leh Justice D.K. Upadhyaya-te bench chuan hemi chungchangah hian dan awmsa a awm miau loh chuan Supreme Court chuan Securities and Exchange Board of India (SEBI) chu chutiang thil puangzar turin a ti thei lo tih an sawi a. Bench hian Moitra-i chu Parliament-a heng thil hi thlen loa, Court rawn pan zawk nge a ni tih an zawt bawk.

Moitra-i hian India ram-a financial markets langtlang leh thangduang zawk a awm theih nan he ngenna hi a siam a. Court chuan hemi chungchangah hian dan zam sa lo awm se chuan SEBI chu zawm turin an tih theih thu an sawi a.Amaherawhchu, chutiang dan awmsa a awm loh avangin Court chuan vantlang hnen a puangzar tura an thuneihna chu hman chhuah theih a ni lo tih an sawi. Chuvangin, Supreme Court chuan a dilna chu an tih tawp sak ta a ni(www.jclalnunsanga.in)