Misual a puh S Koli-a, hmeichhe tam tak thata puh a nih avanga man a nih tirh atangin tanpuitu a nei lo hle a sawi a ni a. Mi ina inhlawhfa chawp S Koli hi, District Court a ukil ten an dinsak duh lo mai ni lovin, ukil pawl ten an diriam a. Sawrkar in a thlawna ama tana ding tura an tih lah chu a tang lo hle in a hria a, hun eng nge maw chen chu amah leh amah a in dinsak ringawt mai a ni. Chutiang a nih lai chuan, a case chu rei tak khawih anih hnuah leh court sang zelah erawh India rama lawyer tha ber ber leh fee sang ber ber ten tanpuiin a thlawn liau liau in India rama Criminal Lawyer lar ber Senior Advocate Ram Jethmalani, Indira Jaising ten an dinsak zarah chhuah zalen a ni chho ta a. Dr Yug Mohit Chaudhary leh Payoshi Roy te phei chu India rama thitura a rel case-a tha ber te an ni.Thil thlen dan in dawt:29.12.2006S Koli a chu man a ni a.13.02.2009Session Court-in case 13 zinga a hmasa ber atan Rimpa Haldar pawngsual leh tualthat case Session Trial No. 611 of 2007 ah khaihlum turin a ti a, Case dang 12 te ngaihtuah chhoh mek a ni.11.09.2009Allahabad High Court chuan Session Court-in Rimpa Haldar Case-a khaihlum tura a tih chu a nemnghet.15.02.2011S Koli an Supreme Court-ah High Court-in a Rimpa Haldar case a thutlukna a zualko, Criminal Appeal No. 2227 of 2010 chu a hnawlsak.May 2011Ni 24 leh 31, May 2011 inkara khaihlum tura thuchhuah a ni.April 2013Uttar Pradesh Governor hnena zahngaih dilna (mercy petition) chu kum hnih chuang chhanna a hmuh loh hnuin, April 2013 khan hnawlsak a ni.July 2014President hnena zahngai tura dilna a thehluh hnuin kum khat hnuah July, 2014 khan a dilna chu hnawl a lo ni ve leh04.09.2014A tanna Dasna Jail atangin an khaihlumna tur Meerut-ah sawn a ni.08.09.2014| Zing khawvar hma Dar 5-ah Meerut Jail-ah khaihlum tur a tih a ni.28.10.2014Supreme Court ah vek ni 15.02.2011 thutlukna ngaihtuah that a dilna Review Petition (Crl.) No. 395 of 2014 pawh hnawlsak a ni.16.10.2023Allahabad High Court chuan Rimpa Haldar baka case dang 12-ah thiam a chantir vek. Koli inpuanna chu Jail chhunga ni 60 awm chunga ama ukil tello leh Case IO bulhnaia record a nih avangin thiam a chang.30.07.2025Sawrkarin S Koli a High Court-in thiam a chantirna chu Supreme Court-ah an zual ko a, Supreme Court hian sawrkar appeal te Criminal Appeal No. 1570,1572,1575,1579 etc/2025 hi a hnawl vek a ni.11.11.2025Supreme Court-in S. Koli, High Court-in Rimpa Haldar case thiamloh a chantirna dika a pawmna, a appeal a hnawlna Judgment dt. 15.02.2011 leh, S. Koli case Supreme Court-in a hnawl hnua a hnawlna ngaihtuah ṭhat a dil lehna Review pawh Supreme Court-in a Judgment dt. 28.10.2014 hmanga a hnawlna te chu Allahabad High Court-a case dang 12 hmanga a thiamchanna thutlukna ni 16.10.2023 leh Supreme Court in ni 30.07.2025 a sawrkar appeal a hnawlna tanchhanin Curative Petition No. 49297 of 2025 hmangin thiam a chang leh ta a ni.Khaihlumna tur darkar 4 chiah a awm tawh a:Ni 7, September 2014 zanlai a lo thlen meuh chuan S.Kohli chuan darkar 4 chhung chiah khaihlum a nih hmain, nung dama awmna hun a nei tawh a. Awm ngaihna a hre lo a, a rum a, a khur a. Hnemtu tumah a nei lo. Amah khaihlumna tur te pawh peih fel vek a ni tawh a.Jail atangin a ukil Yug Mohit Chaudhary-te lehkha a thawn : Ni 4, September 2014 chuan man a nih tirh, ni 29, December 2006 atanga a awmna, Dasna jail, Ghaziabad atangin Meerut-ah ngawi renga sawn a ni a. Ni 8, September, 2014 zing dar 5 a khaihlum tur a tih a ni. President hnena Zahngaihna hmuh a dilna (Mercy Petition) hnawl a nih hnu khan, Kohli hian Jaila hmelhriatte sawihmuhin, death penalty case chungchanga sulhnu lo ngah tawh tak, Ukil Dr Yug Mohit Chaudhary leh ukil dang pahnih, Payoshi Roy leh Siddharth Sharma te hnenah puihna dilin lehkha a lo thawn tawh a. He lehkhathawn hian Kohli nun a thlak danglam vek a ni. Zanlaiah Ukil Indira Jaising biak, Supreme Court Judge kaihthawh : News hrang hrangah chuan S. Kohli chu ni 8, September 2014, zing dar 5am a khaihlum a nih tur thu chu an chhuah chuaih chuaih a. Hetih lai hian Dr Yug Mohit Chaudhary, ukil, Mumbai ami beng chu lo thleng ve a. Ni 7 September zanlaiah chuan India rama hmeichhe ukil lar tak, Senior Advocate Indira Jaising chu Chaudhary chuan a call a; Chaudhary chuan Indira Jaising hnenah chuan,”Mi pakhat tun atanga darkar 4 hnua khaihlum tur a awm a, Supreme Court a ding turin min buaipui sak thei ang em?”, tiin a zawt a, Indira Jaising chuan lo remtiin, zing dar 1-ah chuan Justice HL Dattu a kaitho chuk chuk a. Ani chuan Justice Anil Dave a kaitho ve leh a. Court staff-te chu zanlaiah an in atang court-a koh an ni a. Zing dar 1:50 am a lo rik meuh chuan Kohli kaihlumna tur chu an chelh hrih ta a ni. A tira Ngaihsaktu neilo S Koli :Kohli aiawha court-a dingtu ukilte sawi danin, kum 2006-a an man atang khan Kohli chungchang hi kawng tinrengah ngaihthah a ni nasa hle a. Private Ukil ruai turin a pawisa a nei zo lova, endawng niin, tumahin ama tan an dinsak duh lova, amah leh amah inngaihtuah tura kalsan a ni deuh tawp a ni. Ni 25, January 2007-a man an nih hnu, kar eng nge maw zah hnuah chuan Kohli leh amah chhawrtu Moninder Singh Pandher chu Ghaziabad court-a ukil tam takin sawisak tumin diriam in an dinsak duh lo a. Ni 16, August 2007 –a puhna (charge) an pawm leh pawm loh zawh chian an nih hnu chuan trial chu neih tan a ni ta a, chutah chuan sawrkarin ukil a thlawnin (free legal aid) a rawihsak a; nimahsela, Kohli chuan a ukil-in ama case a buaipui dan chu a duhthusam loh thu court hrilhin, amahin a case chu ukil tel mumal lovin a indinsak chho ta a ni. Kum 2006-a Trial Court lama Kohli aiawha dingtu ukil sawidanin, prosecution lam chuan an puhna finfiah turin evidence an nei lo, a ti a; nimahsela, Kohli chuan death sentence a hmu ta tho a ni. Mahni leh mahni indinsak hnua ukil lehkhathawn : Supreme Court AoR, Ravindra S. Garai chuan (S Koli a case neih zingah pakhata a ding) ,” Ka case khawih pakhatah chuan finfiahna engmah a nei lo a ni. He case-a thubuai thehluttu(complainant) tak ngial pawh cross-examine a ni lo hi a mak a, police ho chuan court-ah an hruai lo hrim hrim a, DNA atanga finfiahna chauhvin, a tuartu hi a bo hnuin Kohli hian a that a nia phochhuah a ni”, a ti. Nanda Devi hi a ruang an hmuh hian thla ruk chuang a bo tawh a, a pasal hian a slipper leh a ngun tui luankawra an hmuh tak atang te’n a nupui a ni tih a finfiah a. Garai chuan,”He case ka khawih ve tan hian ukil 6-7 velin he case hi an lo khawih tawh a, trial an neih tam zawkah chuan, Kohli hian a case hi amahin a argue thin a, case atana pawimawh file te hi neih kim a harsa em em a, ka neih ang ang atangin he case hi ka buaipui a ni”, a ti. Kohli chuan Uttarakhand lam mi ve ve an ni tih a hriat hnu chuan Garai chu lehkha a thawn ta a. Garai chuan,” A ukil ni turin min sawm a, trial kan neih chiah khan, tih beidawn a lo nih nasat tawh sia chu ka hmu thiam chiah a ni”, a ti. Supreme Court in a case a hnawl hnu a Khaihlum tur : Kum 2002-2009 inkar khan Kohli chu pawngsual, tualthahna, mihring/anpui sa ei, mihring ruang nena mipat hmeichhiatna hman chungchang thubuai 13-ah Session Court chuan khaihlum tur a ti a. Thiamloh chantirna hmasa ber hi Rimpa Haldar case-ah a ni a. He case-ah hian High Court chuan ni 11, September 2009 khan Kohli death sentence chu a pawmpui a, nimahsela, Pandher-a erawh chu thiam a chantir thung. Kum hnih hnu, February 2011 a lo thlen chuan Supreme Court chuan Kohli thiamloh chantirna chu a pawmpui leh a. Tichuan, ni 24 leh 31, May 2011 inkara khaihlum turin warrant a pe chhuak ta a ni. Ngaihdam dilna, Mercy Petition Hnawl : Uttar Pradesh Governor hnena zahngaih dilna (mercy petition) chu kum hnih chuang chhanna a hmuh loh hnuin, April 2013 khan hnawl a ni zui ta bawk. Tichuan, President hnena zahngai tura dilna a thehluh hnuin kum khat hnuah July, 2014 khan a dilna chu hnawl a lo ni ve leh a. Ram Jethmalani-an a thlawnin a dinsak : Supreme Court-in Senior Advocate Indira Jaising dilnaa, Kohli khaihlumna tur a chelh hrih hnu khan Review Petition chu court ah hearing neih leh a ni a. Hetah hian India ram criminal lawyer tha ber Ram Jethmalani, kum 2014 a hearing neihnaa lo ding tawh chu a ding leh a. A thlawna dinsak in Justice J Dattu chu hetih laia Supreme Court judge a ni. Ram Jethmalani chuan an puhna chu diklo leh rintlak lo (false and unreliable) a nih thu a sawi a; “Intihluihna atanga neih a ni a, forensic evidence pawimawh lutuk, autopsy report pawh thunun tlat a ni”, tiin a sawi. Hemi mai bakah hian Kohli hian trial court-ah venhimnna mumal (proper defence) a nei lo niin a sawi bawk. Ni 28, October 2014 khan he case enawnna (Review) neih hi hnawl a ni ta a, nimahsela, hei hian an an thil kalpui dana dik tawk lo lai te a tilang a ni. Khaihlumna tih khawtlai avanga hremna tih hniam sak : Ni 31, October 2014 khan NGO pakhat People's Union for Democratic Rights chuan Kohli zahngaih dilna(Mercy Petition) chu awmze awm lova hun rei tak a awh avangin petition an thehluhsak a. Ni 28, January 2015 khan High Court Bench, Chief Justice DY Chandrachud chuan petition pahnih te chu suihzawmin a ngaihtuah a; Kohli hremna chu khaihlum(death sentence) atangin damchhung lungin tanah a a tih hniam sak a ni. High Court chuan Kohli mercy petition tihkhawtlai chu, “Pumpelh theih, tihsei leh tullova tihkhawtlai, a nihna hian Article 21 hnuaia Right to Life a kalh a ni”, a ti.Koli Ukil te tanchhante : Kum 2016 leh 2023 inkar khan Nithari case dang zawng chu trial neih a ni a; Chaudhary, Roy leh Sharma te chuan High Court-ah an dinsak a. Surinder Kohli inpuanna chu ama duhthu ngeia inpuang ti a pawm theih a ni lo, a chhan chu police khuahkhirhna hnuaiah rei tak a lo awm tawh a ni a ti a. Kohli chuan nghaisak a nih thin thu te, tihluihnaa a thusawi tur zirtir a nih thin thu te chu vawi tam tak a lo sawi tawh a; heng thil te hian Kohli inpuanna chu pawmtlak loh a nih tir thu a sawi. Tin, Scientific evidence—narco and polygraph result te chu intihluihtirna a awm avangin nemnghehna atana a rintlak loh thu a sawi bawk. Amah venghim tura ding ukil lam chuan ruhro an hmuhna tui luankawr chu Kohli tan chiaha kal pawh theih a ni lo tiin an hnial bawk a ni. Kohli tana ding ukil te chuan an finfiahna hmuhchhuahho rintlakna te chu rinhlelhawm a ni tiin an hnial a. Ruang chuangbang an hmuhna nena a inhnaih avang ringawtin puh theih a ni lo tiin an hnial bawk. Hetiang hi anih dawn chuan ruang chuangbang an hmuhna bulhnaia awm ve tho dangte leh, Dr. Navneen Chaudhary, D6 Kothi a awm, mihring taksa bung hrang hmanga sumdawnna chungchanga inbumnaa lo man tawh te pawh hi chhuizui tur an ni a; nimahsela, thu engmah zawhfiah an ni lo, an ti. Ruhro an hmuhna, D5 pawn, tuichhe paihna chu ruhro an hmuh hma, kar kalta khan tihfai a ni a, hemi avang hian ruhro chulai hmuna khawih buai lova awm reng chu theih loh a ni, a ti. Court in Hnathawh phuai nuai tak a ti: Ni 26, October 2013 chuan High Court chuan Kohli leh Pandher chu thiam a chantir a, Court chuan prosecution lamin an thiamlohna hi rinhlelhna awm lo khawpa finfiahna a pe thei lo, a ti a. CBI te chhuina chu “hnathawh phuai tak” tiin a sawi. Pandher chu zalen taka a awm lai khan, Kohli erawh chu Rimpa Haldar case avang khan damchhung lungin tang turin jail-ah a la awm a. Chumi case-ah pawh chuan ni 11, November khan Supreme Court in thiam a chantir ve leh ta a ni. A ukil Payoshi Roy Roy Jail atanga la chhuaktu (Sari uk, vun var natna nei) chuan kum 2014 atanga a case kan buaipui nachhan chu,”Mahni pawh invenhimna tura pawisa nei lo, khati tak mai a dik loh taka inhnamhnawihtir a ni leh mi hausa leh thiltithei zawkte venhimna tura zawnga tuar aia tuar tir a nih vang kha a ni a. Finfiahna an neih te tha lo hle mah se, sawrkar ukil lam chuan Court-in dan anga rorel a nihna tura hruai kawiin thiamlohna nei lo khaihlumtirna turin a hlawhtling hman tep a ni”, tiin a sawi (www.jclalnunsanga.in). (Pic : Dr You Mohit Chaudhari, Payoshi Roy, Indira Jaising leh Ram Jethmalani)
