April ni 9,2026 khan Allahabad High Court, Lucknow Bench chuan sakhaw thlak luihtirna (unlawful religious conversion) chungchanga pastor pahnih thubuai chu a titawp(quash). Court chuan Synod Mission Board hnuaia kal Rev. Lalzedanga leh Pastor Vanlalhuma-te chu UP Prohibition of Unlawful Conversion of Religion Act 2021 hnuaia dawta puh an lo ni tawhna thubuai hmalakna (criminal proceedings) zawng zawng chu a titawp a ni.

He thubuai hi February ni 2,2025 a chargesheet siam leh Additional Chief Judicial Magistrate, Raebareli hnuaia thubuai kal lai mek tihtawp a nih theih nan thehluh a ni a. Thubuai thehluttu chuan he inbeihna hi mimal inkar a nih thu leh July ni 7,2025 khan inremin an buaina chu chinfel a nih tawh thu an sawi a. He inremna hi lehlam ukil pawhin a pawmpui a, thiam loh channa tura hmalakna thubuai chu tihtawp a remti a ni.

Supreme Court thutluk thenkhat BS Joshi Vs State of Haryana & Anr (2003) 4SCC 675, Nikhil Merchant Vs CBI & Anr (2008)9 SCC 677, Manoj Sharma Vs State & Ors (2008) 16 SCC 1, Gian Singh Vs Station of Punjab (2010) 15 SCC 118 leh Narinder Singh & Ors Vs State of Punjab & Anr (2014) 6 SCC 466-te chu tlawhchhanin, court chuan hetiang dinhmuna thiam loh channa atana hmalakna kalpui zui reng chu awmze nei lo a tih thu a sawi a.

Justice Subhash Vidyarthi chuan inremna a awm tawh avang leh, vantlang muanna leh khawtlang tana pawi tur a awm loh avangin, court thuneihna hmangin he thubuai hi a ti tawp a . Chargesheet, summoning order leh thubuai pumpui chu a sut nghal bawk a ni.

He thutlukna hian mimal inkara harsatna awmte inremna hmanga chinfelna kawnga judiciary thlir dan a tarlang nawn leh a, vantlang tana pawi tham a nih loh chuan thiam loh channa atana thubuai thui kalpui ngai lovin a ti tawp ta a ni (www.jclalnunsanga.in)

(He thubuai hi Application U/s 528 BNSS No. 1392 of 2026 a ni a. Thubuai thehluttute tan huan Advocate Munish Kumar Chnadra, Advocate Sreesh Kumar , Advocate Shiv Kumar an ding a. Anni bakah hian Rev Shivam Singh chuan he thubuai kaihhnawih zawng zawngah a lo pui bawk a ni. )