Ni 11, February 2026 khan Supreme Court chuan Article 142 hmangin State leh Union Territory (UT) a State Consumer Commission awm lohna emaw, hna a thawh mumal lohna hmunah emaw te chuan High Court te’n consumer appeal an ngaihtuah a phal ta. Court chuan consumer-te chu harsatna an tawh a  thawidamna nei lo a an awm chu tha a tih loh thu a sawi a, State thenkhatah case a awm tlem hle a, a chhan chu President (High Court Judge ni tawh emaw, sitting Judge emaw) a awm loh vang a ni. Court chuan Mizoram, Sikkim, Arunachal Pradesh leh Goa-ah te hian case awm zat a tlem thu leh Chairperson atana tling tur awm lohna hmun a awm thu a sawi bawk.

Chief Justice Surya Kant leh Justice Joymalya Bagchi te chuan  State Commission-a case pending zawng zawng chu ni 14 chhungin High Court, Registrar General hnena transfer turin a ti a. High Court Chief Justice chuan Single Judge pakhat a ruat ang a, chu Judge chu State Commission Chairperson anga ngaih tur a ni ang. Technical Member-te chuan Judge chu an pui ang a, case-te chu thla 3 chhung hian ngaihtuah zawh fel tum tur a ni. Hetiang anga High Court Judge-in a thutlukna siam chu an appeal chuan National Consumer Disputes Redressal Commission President chuan a ngaihtuah tur a ni ang.

State thenkhat chuan Court-in a full-time member ruat dan tur a sawi chu sum insen nasat a ngaih thu sawiin an sawisel a. Court chuan he thubuai hi February 26, 2026-ah ngaihtuah turin a dah a. Tin, State leh District Commission te chu kaihhruaina awm dan ang zelin  a kal tur  a ni, a ti a; hmeichhe member pakhat tal dah tel ngei turin a ti bawk. Case 1000 aia tlem awmna State leh UT te chu consumer thubuai rang tak a chinfel a nih theihnan remruatna siam turin a ti a. Court chuan Consumer Protection Act, 2019 hnuaia Model Rules chungchangah Solicitor General hnenah puihna a dil bawk(www.jclalnunsanga.in)

(He thubuai In re: Pay and allowance of the members of the UP State Consumer ah hian Court pui turin Sr. Adv. Gopal Sankaranarayanan leh Adv. Aditya Narain an ding a, party te tan Sr. Adv. Gagan Gupta, AOR Nikhil Jain leh ukil dangte an ding)