Chief Justice of India 53-na ni turin Justice Surya Kant chuan ni 24, November 2025 (Thawhtanni) khan Hindi-in thutiamna hun a nei a. Chief Justice of India dinhmun hi thla 15 chhung a chelh ang a, ni 9, February 2027-ah Chief Justice of India office a chhuahsan ang. India rama rorelna in sang ber, Supreme Court-a  Chief Justice anih hnu a a rorel dan tur hi hriatthiam a har hle mai a. Nimahsela, a thutlukna lo siam tawh thenkhatte leh thutlukna pawimawhna tak tak siamnaa a lo tel tawhna atang tein kan ngaihruat thei awm e. Hemi mai bakah hian a thu sawi tawh atang te pawhin kan ring thiam thei ang. Amaherawhchu, CJI kalchhuakta te atanga kan hmuh chu mipui hmaa an  thusawite leh rorelna thutthleng atanga a thutlukna siam chu a inang lo thei hle thin bawk tih hi a ni.

Zirna leh Dan Hriatna lama CJI Surya Kant Zinkawng:

CJI Surya Kant ngaihdan, thutlukna siam tawh leh thusawi te:

• Lunglei Polytechnic Case:

CJI thar Justice Surya Khan hi Lunglei Polytechnic hmun in chuhna avanga buaina kal zel Mizoram sawrkar in Gauhati High Court thutlukna an appeal pawha thutlukna siamtu a ni. Lunglei Polytechnic ram chu Vanlaldawngliana an ka ram tiin Lunglei District Court-ah sawrkar a khing a. Lunglei Court chuan thiamchantirin zangnadawmna pe turin a ti a. Lunglei District Court thutlukna lungawi lo in sawrkar hian High Court-ah a zual ko a. Ni 686 laiin High Court a zualko hian a tlai a. Chumi avang chuan High Court hian sawrkar appeal chu a ngaihtuah sak duh lo a ni. 

Chumi avang chuan Lunglei District Court chuan Polytechnic Colllege chu police te hmangin a kharsak a, class pawh an kal zawm thei lo. High Court thutlukna hi an lungawi loh avangin Supreme Court ah kalin tuna CJI thar tur Justice Surya Kant hian High Court chu zangnadawmna pawisa Rs.88,14,000/- hi high court ah an deposit ang a, 25 % chu Vanlaldawngliana an pe chhuak ang a, a la bang 75 % chu Bank ah fixed deposit in an dah ang tiin sawrkarin high court a an appeal tlaina chu lo ngaidam (condone) in hemi thubuai ngaihtuah turin a ti ta a ni.

Tuna CJI thar  hian hemi ram Periodic Patta renew nan hian Vanlaldawngliana hian a pa signature a forge a ti a.Principal, Polytechnic in  Lunglei P/S a FIR ni 19.07.2025  an thehluh avanga Lunglei PS Case No. 117/2015  pawh hemi case rambuai zangnadawmna a a pressure tumna tiin a ti tawp nghal bawk.

• ·       SRI hearing vawiina neih chungchang-

Vawiin ni 26, November 2025 khan Supreme Court, Chief Justice Surya Kant leh Joymala Bagchi te thutna Bench chuan state hrang hrang electoral roll, Special Intensive Revision(SIR), Election Commission of India(ECI) in neih tur a a tih hnua thubuai thehluh chu an ngaihtuah a. Thubuai thehluttute hian ECI chu Representation of People Act hnuaiah SIR nei turin thuneihna an nei lo an ti a ni.

• ·       Christian Army Officer-

Nimin ni 25, November 2025 (Thawhlehni) a Supreme Court-in, Christian Army officer pakhat, an regiment, Army Religious Parade-a a tel duh loh vanga an banna chungchanga thutlukna siamtu te zingah khan Chief Justice Surya Kant chu a tel a. He thutluknaah hian mimal sakhaw rinna ai sipai inthununna a lal zawk, tiin Army-in Christian Army officer pakhat an banna chu an pawmpui a ni. Social Media hrang hrangah hemi avang hian sawiselna a hlawh nasa hle a ni. Social media-a mipuite chuan India chu sakhaw zalenna ni chung si a, Supreme Court-in, Chief Justice thar Surya Kant kaihhruainaa chutiang thutlukna mak tak an siam chu an dem hlawm hle  a.

·       Presidential Reference-

Ni 20, November 2025 a Governor leh President-ten Bill an kawl theih chin chungchang thutlukna siamtu zinga Bench-ah khan CJI Surya Kant hi a tel a. Hemi chungchanga Presidential reference thehluhah hian Governor leh Preisdent-in Bill chungchanga thutlukna an siam theih hunchhung bituk chu a theih loh thu an sawi a; tin, hun eng nge maw chhung an kawl avanga Bill pawmpui ang a ngaih theih (deemed assent) tih chu an pawm lo bawk. Nimahsela, Governor leh President ten an duh chen chen hun bituk awm lova rei tak an kawl chu an remti lo thung. Governor leh President te chu a rang lamin, hun awm tawkah thutlukna an siam vat thin tur a ni ,an ti.

• ·       Freedom of Speech-

India danpui hnuaiah hian mi tin hian mahni duhzawng sawi thei turin zalenna kan nei a. Nimahsela, he zalenna hian midangte dik lo tak leh mawi lo taka sawi theihna a huam tel lo thung. Nupur Sharma case (2022)ah khan Nupur Sharma’n Prophet Muhammad chungchang a sawi dan chu Surya kant chuan tha lo a ti hle a, mipuite hnenah ngaihdam a dil tur a ni, tiin a sawi a. Surya Kant thil tih hi nasa taka sawisel a lo ni tawh a ni. Ali Khan Mahmudabad thubuaiah khan chhuah lailawkna (interim bail) pe mah se, Facebook post-a a thusawi dan ki chu Surya Kant hian tha lo a tiin, a sawisel a, police te chu SIT enquiry nei turin thu a pe a. A hnuah he thupek hi Bench ngai thoin an titawp ta a ni. A thusawi tam takah Freedom of speech chu a thlawpna lantir mahsela, thuthar thehdarhtute’n thubuai kal lai an thehdarh nasat (media trials) leh thudik tawk lo thehdarh anih hian rorelnain lamin anmahnia rorelna an kenkawh theihna (judicial independence) a tibuai thin a ni, a ti.

·       Bail chungchang-

CJI Surya Kant hi excise policy thubuaia Arvind Kejriwal Bail dilna phalsaktu Bench zingah khan a tel a. Bail thubuai ngaihtuahna chak zawk neih theihna turin Special Court siam te a lo rawt tawh a ni. Kant hian tul lo taka inmanna (arrest) leh rei tak inkhunghranna (detention) te chu a sawisel a ni.

·       Legal Aid

National Legal Services Authority kaihruaitu a nih angin, Kant chuan tanina tang ten dan lama puihna (legal aid) an neih that theihna turin hmalakna a neih sak nasa hle a. Tin, Sipaia tangte tan Veer Parivaar Sahayata Yojana a siamsak a ni.

·       Legal Education

CJI Surya Kant chuan Bar Council-te chu Law zirna kawnga inrawlh chu tha a ti lova, dan lam zirna chu zir tirna lama mithiam leh insawrbing, scholar te tih tura dah a tha a ti a ni.

·       Legal Profession

Legal profession-ah hian CJI Surya Kant chuan background tha nei kan nih loh pawhin a hlawhtlin theih thu a sawi a. Amah ngei pawh 1^st generation lawyer niin, lo neitu chhungkua atanga lo seilian a ni a. CJI Surya Kant chuan taima takin thawk i la, a bak chu khuanu remruatah ngai vek mai ila, hlawhtlinna chu 1^st generation lawyer tan pawh a awm zel a ni, a ti.

·       Alternative Dispute Resolution(ADR)

CJI Surya Kant hian Court chhung ni lova buaina chinfelna hi a ngaipawimawh hle a. India hi khawvel huapa arbitration neihna hmunpui ni turin a duh a. Mediation zirna hi zirna bung hrangin awm se a tih thu te pawh a lo sawi tawh a ni. Court thleng lova ADR kaltlanga buaina chinfel hi a tha a, a rang bawk thin a ni, a ti. Mediation Act,2023 a thil thenkhat chuan inbiakremnaa hnialna awlsam tak a siam thei tiin a lo sawisel tawh a, Court thleng lova thubuai chinfelna tha neih hi a ngaipawimawh hle a ni.

·       Collegium System

CJI Surya Kant chuan Collegium system kalphung pangngai chu tha a tih thu a sawi, lang tlang taka tih zel ni thei se, a ti a. Nimahsela, a kalpui danah hian CJI Surya Kant chuan senior dan mai bakah hna thawh that dan te en tel thin ni se, tiin a sawi tawh bawk.

·       Boruak hriselna chungchanga a ngaihdan

India ram chhunga boruak chhe zel chungchangah hian lo neitute demna a tam thei hle a. Surya Kant ngei pawh hi lo neitu chhungkua atanga lo chawr chhuak a ni a. Punjab leh Haryana vel a boruak chhia te hi lo neitute thil hal thin vang niin an ngai a, nimahsela, Surya Kant hi chu lo neitute lamah an pawimawhna hriain a tang tlat a ni.

·       Artificial Intelligence(AI)

Court rorelna ina kan chet velna leh ukil te tan pawh AI hi tangkai tak a nih theih thu a lo sawi tawh a. Research tih naah te, drafting etc. ah te tangkai takin kan hmang thei a ni, a ti.

·       Minority Status of Aligarh Muslim University  

Aligarh Muslim University(AMU) a minority status chungchang Supreme Court-a ngaihtuahlai mekah  CJI Surya Kant hi a tel a. He thubuaia an ngaihtuah chu, Article 30 hnuaia minority zirna in vehimnna dawng thei turin AMU hi Muslim-te din a ni em tih a ni. He thubuaia an thutlukna hian India ram chhunga minority institution ho a huam tel tura ngaih a ni a; tin, hun lo kal zela Article 30 kan hriatthiam dan a hril dawn a ni.

·       Abrogation of Article 370

CJI Surya Kant hi Supreme Court, Constitution Bench, Judge-5 thutna in Abrogation of Article 370 leh Jammu & Kashmir special status  kengkawh tura thutlukna siamtute zingah khan a tel a ni. Hemi avang hian buaina nasa tak India ram chhungah  a lo chhuak tawh a, inhnialna pawh a thleng nasa hle a nih kha.

Chief Justice of India Surya Kant hi middle class chhungkua atanga lo seilian nimahse, legal profession-a a zinkawngah hian a ngaihsanawm hle a. 1^st generation lawyer-te tana chona nasa tak petu a ni a, amah ngei pawhin 1^st generation lawyer-te chu an hlawhtlin theih zia leh taimak chhuah leh zual turin a lo fuih tawh thin a ni. Chief Justice Surya Kant hian mimal zalenna leh dikna chanvo te zahin ngaipawimawh viau mahse, mimalin tih tur leh midangte tana harsatna siam thei chi thilah zalenna hman sual a nih chuan huaisen takin demna thu pawh a sawi mai thin a ni(www.jclalnunsanga.in)