DISCLAIMER

 1.⁠ ⁠Mizo ten dan leh hrai chungchanga  an lo bengvar nan leh thudik rintlak an hriat theih nan he website hi siam a ni a. 

2.⁠ ⁠Mizo ten Court rorelna kan hriat fiah leh hriat chian tawk loh avangin harsatna kan tawk thin a. Court rorelna leh dan te hi English a ziak a nih avangin mi nawlpui te tan hriat thiam a har thin a. English a in ziak te chhiar tur tam tak national news a a awm laiin mahni tawng ngeia kan lo hriat ve nan thuthar ber berte tarlan a ni ang. 

3.⁠ ⁠Mizo mipui ten kan hriatthiam tlan theih dan tur berin Supreme Court, High Court leh District Court te mipuite hriat tura pawimawhte a  rang thei a i chhiar theih tura lo chhawp chhuah  hi kan tum a ni. 

(The Bar Council of India does not permit advertisement or solicitation by advocates in any form or manner. By accessing this website, www.jclalnunsanga.in, you acknowledge and confirm that you are seeking information relating to JC Lalnunsanga, Advocate & Legal Consultant  of your own accord) 

Exit
Mahindra Car Loan Cheng Vaibelchhe 150 Vel Tihchingpen Thubuai Kal Zel

Mahindra Car Loan Cheng Vaibelchhe 150 Vel Tihchingpen Thubuai Kal Zel

  • Oct 27, 2025
  • Admin
  • Share

Mahindra & Mahindra Financial Services Ltd Car loan vbc 150 vel tihchingpen chungchangah ni 20.03.2024 khan Aizawl Police Station-ah Ankit Bagree MMFSL circle head chuan Aizawl Police station-ah FIR a thehlut a.  Ni 29.03.2024-ah Chanpreet Singh chuan CID (Crime) Aizawl-ah FIR theh lut leh bawk. Mizoram Police hnuaia din Special Investigation Team (SIT) te chuan chhui zuiin in hnamhnawia puh mi 20 an man bawk a ni. He case hi a tirah chuan Chief Judicial Magistrate Aizawl chuan a khawih a, tunah chuan Judicial Magistrate First Class-III Aizawl-in a khawih tawh thung a ni. 

Aizawl PS a FIR thehluh chu SIT te chuan chhui zelin an chhuina report/chargesheet chu ni 10.07.2024 khan court-ah an thehlut a. Chhui belhna Supplementary chargesheet chu ni 22.10.2024 khan thehluh a ni     leh a. Tin, CID (Crime) Aizawl a FIR chhuina chargesheet chu ni 25.06.2024 khan court-ah an thehluh a, Supplementary chargesheet pawh ni 24.10.2024 khan Police lam chuan court-ah an thehlut leh bawk a ni. Thil ti suala an puh mi 20 te hi tunah chuan Bail-a chhuah vek niin court date niah court-ah an in report ve leh thin a ni.   

Aizawl PS case bikah thuhretu/witness mi 113 an awm a, Aizawl PS case bik hi trial kan pui tawh niin evidence tan a ni  tawh a. Aizawl PS a FIR thehlut tu ber  Ankit Bagree MMFSL Circle Head chu court-in vawi tam tak thuhretu atana court-a in lan tur a tih hnuah court-ah a kal loh avangin thuhretu atangin a paih a, tun thleng hian thuhretu pahnih court hmaah an in lan tawh a ni. 

CID (crime)-ah chuan thuretu/witness mi 104 an awm thung a. CID(crime) Aizawl-a case bik hi chu High Court lamah accused zinga thenkhat ten he case hi tih tawp dilna (quash) an theh luh avangin High Court Order ngaihchan ngaih avangin thubuai ngaihtuah vat vat theih a la ni lo. 

He thubuaiah hian accused te hi ni 22.10.2025 khan court-ah an in lan a, he mi ni hian prosecution lam thuhretu a court-ah a in lan loh avangin accused te hi hming sign tira haw tir leh an ni.  Accused te hi ni 12.11.2025 hian court-ah an in lan leh dawn a, he mi ni hian prosecution lam thuhretu pawh court-a in lan tura tih a ni leh bawk a ni.(www.jclalnunsanga.in) 

 

Recent Post

Hawng 440 Avanga Man Henry-A Bail In Chhuak Lo, An Puhna An Pawm lo.

Hawng 440 Avanga Man Henry-A Bail In Chhuak Lo, An Puhna An Pawm lo.

Tags

Copyright JC Lalnunsanga